Mission Statement
Born Again in Christ Church
( BACC )
Caw nkag los rau pawg ntseeg Yug Dua Tshiab hauv tus Tswv

Peb lub website no yog iblub yuav qhia txog peb txojkev ntseeg, peb tegnum uas peb
ua rau tus Tswv Yexu. Nrog rau kev ntseeg thiab kev thov Vajtswv pab rau tus
ntshaw ua lubneej tseeb, ntshaw kom nws tej mobnkeeg zoo, thiab ntshaw kom nws
muaj txojkev kajsiab.

Uatsaug rau koj tus uas nkag los saib peb lub website no. Peb ntseeg thiab ciasiab tias
yog koj los saib ntxiv ntxiv mus yuav ua tau rau koj paub tseeb haistias muaj tus Tswv
cawmseej yuav pab tau koj.

Yog tias koj xav kom peb thov Vajtswv pab koj kev mobnkeeg, kev ntsim siab,
kevtxhawj kev ntshais thiab kev nyuaj siab ntawm koj lub neej uas koj muaj. Yog koj
xav tau txojkev hlub los nplig koj lub siab kom koj rov muaj kev zoo siab dua ib zaug
ntxiv. Thov koj mus Sign up rau ntawm qhov Church Forum, peb yuav thov Vajtswv
pab koj thiab yuav xa yam uas yuav pab tau koj tuaj rau koj. Peb Born Again in Christ
Church yuav mloog ntsoov tos koj yog tias,

•        Koj xav los koom nrog peb ntseeg tus Tswv thiab sibpab ua Vajtswv tegnum
•        Koj xav tau cov lus qhuab qhia los nplig koj lub siab
•        Koj xav tau txojkev hlub nrog koj tus Pojniam Koj tus Txiv thiab koj cov
Menyuam
•        Koj xav kom tus Tswv Yexu kho koj tej mobnkeeg
•        Koj xav loj hlob hauv txojkev ntseeg thiab paub Vajtswv kom meej
•        Koj xav tsim kom muaj kev sibraug zoo, kev sibcog phoojywg nrog tus Tswv
Yexu
•        Koj xav ua tus los pab peb txim kho peb lub neej hmoob kom rov muaj kev
sibhlub ntxiv mus
•        Koj xav tau Vajtswv tus ntsujplig, Yug Dua Tshiab hauv Vajtswv tus Ntsujplig
thiab hais lus txawv txawv.
•        Thiab yog xav tau Vajtswv cov suab hunkauj los plig koj lub siab.

Nyob rau ntawm cov lus no, peb tos ntsoov thiab peb ntseeg hais tias yuav pab tau
rau koj nce ibtheem ntxiv, Pawg ntseeg no yog ib pawg uas zoo li ibtsev tibneeg
ntseeg tibtug Vajtswv koom iblub siab. Vajtswv xav kom peb zoo li ibtsev neeg koom
ibleeg txiv uas yog Vajtswv Yawmsaub xwb nkaus.  Read more about us.